燈籠滷味 (新都會廣場)

營業中

休息中

多數人去台灣都一定去嘅地方，冇錯答案就係行夜市掃街食好嘢，尤其喺街頭特色小食店必定會食番幾間滿足食慾。雖然未計劃何時起行，但家陣有咁多過江龍小食店進駐，真係方便了大家覓食，今晚去咗新都會廣場呢間燈籠滷味開餐！來自台北師大夜市嘅台式滷味車仔麵檔，店內環境似足當地裝修擺設，即時感覺氣氛熱鬧。至於菜單有人氣招牌燈籠滷味推介，經典台式小吃，地道夜市小吃，人氣蔥抓蛋餅同飯類，仲有多款台式飲品等。係時候點了幾款美食！先有呢款色香味俱全燈籠古早滷肉飯(小碗），肉粒肥瘦適中，入口肉粒香軟嫩滑，加上肉汁滲入飯粒，食得份外美味。之後有招牌燈籠滷味推介！點了豬肚爽口香滑、大腸油脂豐滿食到滿口油香，再食粒花枝丸又有開胃酸菜附送，加上濃郁嘅滷汁，食得啖啖滋味。當然要飲杯（凍）黑糖珍珠奶綠，滿足一下！估唔到最後嘅美食都係飯，台灣紅燒牛筋肉滷肉飯風味十足，份量可以兩個一起享用，配料紅燒牛筋肉（牛𦟌）、滷肉、酸菜、椰菜，半隻滷蛋，一邊繼續品嚐餘下地道風味美食。