影片
更多
2017-07-09
389 瀏覽
今個星期五Happy Friday同幾位朋友去了試呢間隱藏喺後巷的台灣食店「阿元來了」，店位於後巷內有點難找，但如果去到附近見到一條黑暗嘅後巷入面有人龍排緊隊嘅話咁恭喜你，因為你已經成功到達了阿元來了的門口啦🎉🚶🏻🚶🏻🚶🏻🚶🏻🚶🏻🚶🏻🚶🏻我地一行四人大概晚上七時半到達，到達時人龍未算長，大概二十多人。一路等直至入內的時候都未見人龍有特別增長，都係維持喺二十人左右。我們等了約二十分鐘便可入內。如果排隊有幾個朋友一齊吹吓水嘅話其實時間都過得好快。喺店外排隊嘅時候其實店員已經畀咗呢張落單紙我地寫住先，所以一入到去已經可以落單。不過一坐低見到呢個奶茶有大大件統一布丁咁吸引，於是四個都轉哂啲嘢飲做呢個布丁奶茶🤤啲嘢食好快嚟齊，好吸引👏🏻主食方面我地叫咗魯肉飯、蚵仔大腸麵線同香菇肉羹湯飯，但個湯飯佢落錯咗做湯麵。魯肉飯處理得唔錯，不過不失，正常水準。個蚵仔腸麵線就略嫌唔飽肚，朋友話好似食咗個空氣麵線咁😅不過呢種台式麵線係咁，所以如果你係大食啲或者好肚餓嘅話建議你嗌返飯。小食就有塩酥雞、酥炸魷魚、芝士蛋餅同台灣香腸。個人覺得呢到嘅小食比主食出色。不過塩酥雞同魷魚無想像中咁一試難忘，葵涌廣場幾間唔同的
我地一行四人大概晚上七時半到達，到達時人龍未算長，大概二十多人。一路等直至入內的時候都未見人龍有特別增長，都係維持喺二十人左右。我們等了約二十分鐘便可入內。如果排隊有幾個朋友一齊吹吓水嘅話其實時間都過得好快。
喺店外排隊嘅時候其實店員已經畀咗呢張落單紙我地寫住先，所以一入到去已經可以落單。
不過一坐低見到呢個奶茶有大大件統一布丁咁吸引，於是四個都轉哂啲嘢飲做呢個布丁奶茶🤤
啲嘢食好快嚟齊，好吸引👏🏻
主食方面我地叫咗魯肉飯、蚵仔大腸麵線同香菇肉羹湯飯，但個湯飯佢落錯咗做湯麵。魯肉飯處理得唔錯，不過不失，正常水準。個蚵仔腸麵線就略嫌唔飽肚，朋友話好似食咗個空氣麵線咁😅不過呢種台式麵線係咁，所以如果你係大食啲或者好肚餓嘅話建議你嗌返飯。
魯肉飯
28 瀏覽
0 讚好
0 留言
小食就有塩酥雞、酥炸魷魚、芝士蛋餅同台灣香腸。個人覺得呢到嘅小食比主食出色。不過塩酥雞同魷魚無想像中咁一試難忘，葵涌廣場幾間唔同的小食店的塩酥雞反而比佢呢到啲更香口鬆脆。
塩酥雞、魷魚
27 瀏覽
0 讚好
0 留言
值得一提的是芝士蛋餅同台灣香腸。蛋餅呢種台灣隨處可見嘅小食喺香港比較難搵到，而佢呢到選擇唔賣傳統蛋餅而賣芝士蛋餅可能係想符合返香港人口味。蛋餅煎得外脆內軟，算是不錯，如果之後可以有其他口味例如加葱、肉鬆或者呑拿魚等等，再配埋杯豆漿應該相當吸引。
芝士蛋餅
46 瀏覽
0 讚好
0 留言
至於台灣香腸，唔知係咪本身入貨的香腸未夠好定係烤得唔夠，略嫌唔夠咬口。但配生蒜片食呢個做法夠地道又有誠意，加哂分👍🏻
台灣香腸
58 瀏覽
0 讚好
0 留言
甜品就叫咗溫的九份芋圓。但等咗好耐，食哂啲嘢之後催咗兩次單先嚟到，而且仲要上錯咗個冰嘅🤷🏻♂️但都廢事同佢換如果唔係又唔知要再等幾耐。同埋都煮得幾硬，完全唔Q軟。
九份芋圓
24 瀏覽
0 讚好
0 留言
備受期待的布丁奶茶就完全見到個布丁嘅影蹤(得個底有少少)，頗為失望。
布丁奶茶
41 瀏覽
0 讚好
0 留言
各個主食都係似台灣地道嘅size，唔大碗，配埋小食就啱啱好。全部嘢食份量其實偏少。所以比起二個人/一大班嚟食，其實四至五個人嚟會比較適合：太少人試唔到太多小食，太多人啲嘢食又唔夠分。
雖然落錯單嘅機率都幾高，但食物唔錯，而且環境特別，服務生嘅態度都幾好，價錢都算相宜，係值得一試的一間店👍🏻
張貼
