五斗米 (太興中心) (已結業)

今日黎到港島古蹟遊時，經過紅當當的「五斗米」，就俾佢吸引住。係中上環鬧市想搵間地道台灣菜餐廳唔係咁容易，所以立即去試試。原汁牛肉麵，配細麵先飲一啖清甜的湯底，再細嚼彈滑的麵條，已經充滿濃濃的牛肉味。呢度的牛肉好大件，份量好多，炆得好腍，配埋酸菜，簡直食到停唔得低，確實為原汁原味的台灣味道。嗜辣的朋友可以揀麻辣味，仲可以配肉燥同雞腿肉，或者轉做刀削麵。十三香滷味拼盤話明十三香，個滷味汁係用十三種香料秘製而成，滷得非常滋味。百頁豆腐、白菜、滷蛋，完完全全吸收哂滷味，而台式貢丸、花枝丸，大大粒，都好正。鹽酥雞本來想點炸物拼盤，不過材料唔夠，所以淨係叫鹽酥雞。炸粉唔太厚，都幾脆，最重要係裏面的雞肉仲好juicy，輕輕調味已經好夠味。一口蔥餡餅熱辣辣做起的蔥餡餅好飽滿，大細啱啱好一口一個，餡料蔥同肉的比例平均，值得一試的小食。最後每人分別叫杯飲品：黑糖珍珠鮮奶，蜂蜜檸檬汁，蘋果西打蘋果西打，台灣暢銷的汽水，鋪頭專登係台灣入貨。第一次飲，蘋果味好香，天時熱飲好解渴。上環的鋪面比較細，細枱坐到4-5人，吧枱坐到2人，主要做外賣生意，支援各款美食app。如果多人一齊食，不妨去西環的分店，果度大好多，可