增煇大排檔 & 增煇藝廚

營業中

休息中

成班麻甩佬，要飲啤酒要食小菜我個人推介增輝，小菜味夠，夠鑊氣。次次黎都好爆場，今次亦都唔例外，不過咁樣都證明味道無走樣，有保證。胡椒豬肚大蜆湯，每次黎都必點，湯夠白，胡椒味唔會搶左豬肚湯既味，仲有埋大蜆，湯就更加鮮甜，份量亦都夠足，十分!泰式野都有得食，酸辣鳳爪，終於都係無泰國鋪咁好食，但算做得唔錯，生蝦，肉夠透明，證明新鮮，甜。芥末芝麻蝦球，酸酸甜甜，但芥末味唔夠濃，蝦好爽，夠大隻。黑柏葉唔係咁多地方有得食了，呢度做得唔錯，第一次食黑色，心有點怕怕的。