影片
更多
2024-03-01
8685 瀏覽
呢間係朋友特登揀嘅日式居酒屋同我慶祝生日飯 佢成間鋪啲風格同日式居酒屋啲裝修都好似，不過佢多咗個鐵板留喺面前即叫即整 而且啲師傅都係日本人 我見到好多香港人都有上去食啲特色嘅居酒料理🤩🤩🤩👉🏻 啤酒🍻 ($38)💓💓💓💓💓日本啲生啤果然係唔同啲👍🏻啲泡泡勁滑打出嚟入口順滑 我同朋友都忍唔住飲多幾杯🤓同埋佢呢個杯size幾好 因為我驚啤酒擺得耐，如果太多嘅話會太熱唔夠凍冇咁好飲 但係呢個份量啱啱好幾啖一杯，價錢都算抵過其他餐廳👉🏻鐵板八爪魚 ($88) 💓💓💓💓💓呢個八爪魚，佢比觸鬚嘅部位俾我哋。食落完全都唔韌，反而好彈牙。同埋佢加咗少少海鹽炒 好鹹香又易送酒。以往喺出面食到啲八爪魚都係好韌，但呢間反而改觀咗我對八爪魚。🤩🤩🤩份量都夠多。👉🏻帶子 ($98) 💓💓💓💓呢個帶子食落去完全唔覺得係急凍嘅味道 反而佢鐵板燒到佢好鮮甜 同埋肉質都比較結實 師傅工架十足 不過呢個價錢有少少略貴🥲👉🏻蝦 ($98) 💓💓💓💓💓呢個鐵板蝦個口感真係超好 勁彈牙爽甜之餘，同埋佢連埋個殼都可以食冇諗過佢用鐵板可以將個蝦啲殼整到咁脆 忍唔住連個殼都食埋 加上佢加咗少少類似椒鹽嘅粉 更加惹味 個蝦嘅size
👉🏻 啤酒🍻 ($38)💓💓💓💓💓
日本啲生啤果然係唔同啲👍🏻啲泡泡勁滑打出嚟入口順滑 我同朋友都忍唔住飲多幾杯🤓同埋佢呢個杯size幾好 因為我驚啤酒擺得耐，如果太多嘅話會太熱唔夠凍冇咁好飲 但係呢個份量啱啱好幾啖一杯，價錢都算抵過其他餐廳
👉🏻鐵板八爪魚 ($88) 💓💓💓💓💓
呢個八爪魚，佢比觸鬚嘅部位俾我哋。食落完全都唔韌，反而好彈牙。同埋佢加咗少少海鹽炒 好鹹香又易送酒。以往喺出面食到啲八爪魚都係好韌，但呢間反而改觀咗我對八爪魚。🤩🤩🤩份量都夠多。
👉🏻帶子 ($98) 💓💓💓💓
呢個帶子食落去完全唔覺得係急凍嘅味道 反而佢鐵板燒到佢好鮮甜 同埋肉質都比較結實 師傅工架十足 不過呢個價錢有少少略貴🥲
👉🏻蝦 ($98) 💓💓💓💓💓
呢個鐵板蝦個口感真係超好 勁彈牙爽甜之餘，同埋佢連埋個殼都可以食冇諗過佢用鐵板可以將個蝦啲殼整到咁脆 忍唔住連個殼都食埋 加上佢加咗少少類似椒鹽嘅粉 更加惹味 個蝦嘅size都唔細㗎👍🏻
👉🏻牛舌 ($68) 💓💓💓💓💓
眾所周知日本牛舌係唔可以隨便進口去其他國家 所以就算日本餐廳食到嘅牛舌都一定唔係日本進口過嚟 但係佢呢間牛舌同我喺日本居酒屋食到嘅牛舌都接近有8成相似 佢入口係比較厚實 同埋嫩口嚼落去牛香味好濃 都幾煙靭，但係又唔會好似橡筋咁咬唔到。試過喺香港好多地方食，都係好硬又靭個牛舌 所以喺朋友極力推介之下叫咗一份試原來真係好唔錯👍🏻👍🏻👍🏻有驚喜份量都足夠兩個人share試少少大家 加上點埋個柚子胡椒柚子既香味同胡椒嘅辣味更加突出個牛舌 但又唔會蓋過牛舌本身嘅牛味
👉🏻煎鱈白子 ($170)💓💓💓💓💓
呢個真係有驚喜 因為原本我食過omakase嘅白子 嗰種口感同埋味道，我係接受唔到。但係呢個係朋友誠意推介 同埋佢話唔係成日有得食 所以我先諗住試吓少少佢個味道睇吓會唔會對白子改觀 佢食落去口感好似豆腐咁滑，但係佢係完全冇腥味 而且佢加咗啲椒鹽同埋七味粉上去 再加表皮俾佢煎到好脆入口即溶 完全唔覺得似食緊白子 我都對佢有好大嘅改觀😂😂👍🏻真心好推介同埋真係好好食 原來鐵板煎出嚟嘅白子係咁好食🤤份量方面，佢都唔少㗎加埋啲蔥一齊食更加突出佢嘅鮮味 連啲椰菜都吸晒佢啲海鮮嘅味道好惹味
👉🏻豆芽炒韭菜 ($48)💓💓💓💓💓
食到7788嘅時候 朋友叫咗個炒菜解吓油膩 佢呢個豆芽同韭菜都炒到10分爽脆清甜 而且可能因為佢鐵板嘅原因食落都好夠鑊氣 加埋佢配上啲調味 完全解到油膩👍🏻
👉🏻鵝肝多士 ($150) 💓💓💓💓💓
呢個鵝肝份量真係超足👍🏻👍🏻🩷極力推介 加上佢落咗啲甜甜酸酸嘅黑醋醬配搭鵝肝再加埋個多士完全唔油膩
食落好開胃 同埋面頭有啲紅椒幾爽甜 係我食過最好食嘅鵝肝 佢用鐵板煎到個鵝肝面頭都好脆內軟🤩
👉🏻煎蠔 ($88) 💓💓💓💓💓
佢呢個蠔煎到勁juicy 咬落去勁鮮甜 而且都比較爽口
佢都只係落咗少少鹽，帶出個海鮮嘅鮮味👍🏻煎完都唔會太過縮水啱啱好
👉🏻香葱大阪燒 ($78) 💓💓💓💓💓
佢呢個香蔥大阪燒 嚟過最後嘅ending 勁多汁我最鍾意😍食大阪燒一定要多汁，同埋佢啲蔬菜都好新鮮 就算咁多汁都唔會蓋過蔬菜嘅甜味 同埋面都煎得好好脆 完全唔漏👍🏻👍🏻👍🏻份量都係超足
總括嚟講呢餐飯真係刷新我對香港居酒屋嘅認知 原來香港都有呢啲地道嘅居酒屋🏮
五個心心為最高分
Kozy Okonomi-yaki Teppan-yaki (銅鑼灣)
地址 : 銅鑼灣軒尼詩道499號永光商業大廈9樓
張貼
