華園美食

營業中

休息中

每到lunch hour，華園就例牌要等位，想食就唯有箭步喺一點前衝到黎！豉油雞脾永遠都係成隻手掌咁大，夠曬入味，滑度尚可。重點係個鮮茄燴意，茄汁炒意底，然後淋上有各式配料嘅鮮茄汁，味道唔係驚艷，而係一種食極唔厭嘅地道風味。所以即使華園嘅座位唔多又比較擠逼，每日依然有一堆街坊街里或附近寫字樓擁躉幫襯。值得一提嘅係一貫舊式茶餐廳慣例：茶膽特別靚！當日嗌左杯茶走，香濃柔滑非常好飲。希望所有好似華園咁走平實路線嘅傳統茶餐廳可以繼續生意與隆，香港需要呢種地道同情懷。