吔咩嗲 吔嘢事無所

營業中

休息中

一踏入荃灣呢間「吔咩嗲吔嘢事無所」，即刻好似返咗去日本咁，環境布置好有feel，好似坐喺日本家庭餐廳一樣温馨。呢度主打嘅一汁多菜風格，真係令人有 "翻鄉下" 嗰種興奮。呢次試咗兩個餐，真係每樣都好有驚喜！每個餐都有附送 和風忌廉蘑菇湯，呢碗湯將西式忌廉湯融入咗和風元素，好特別，每啖都飲得出啲蘑菇嘅香味，暖笠笠超正！二款熱菜 + 二款冷菜和風黑松露烏賊堡（墨魚漢堡）墨魚餅超彈牙，仲帶有淡淡黑松露香，夠晒獨特。安格斯牛櫛瓜卷配自製洋蔥蘋果醬牛肉揀咗七成熟，食落依然好嫩滑，加上櫛瓜捲嘅層次超豐富，啖啖都有甜酸適中嘅洋蔥蘋果醬，真係絕配。左口魚秋葵伴柚子醋櫻花蝦左口魚好肥美，配上柚子醋秋葵一齊食，酸甜開胃，加上脆脆嘅櫻花蝦，口感豐富。南瓜沙律配蘋果青瓜堅果南瓜沙律蓉料多又清香，帶少少微辣，加埋蘋果同青瓜，食起來好清新。三款熱菜 + 一款冷菜自信作！雞皮餃子配自家製香草檸檬腐乳醬外脆內軟嘅雞皮餃子，鹹香味十足，加上獨特沾醬帶有日式同本土fusion風味，好惹味。北海道牛肉薯餅外面脆卜卜，入面粒粒牛肉碎，仲有香滑嘅薯餅，食落真係停唔到口。鹿兒島吉列黑豚肉餅鬆軟多汁嘅豬肉餅，加埋果啲沙律醬，味道超正