博多拉麵別天神 (已結業)

今日約咗幾個朋友去旺角食午餐，行行下見到呢間日式拉麵店，鋪仔細細，好有日本當地拉麵小店嘅感覺。呢度仲要係自助點餐模式，有野食飛先入去坐低。入到去先發現牆上有大量比香港人寫上嘅願望: 講兩年後大家希望會發生啲乜嘢事情。仲有啲五大訴求、缺一不可嘅裝飾同文宣。相之後有我嘅拉麵食評:交飛之前我同廚師講要走蔥，唔使5分鐘就有豚骨拉麵食！另外我仲自己加咗辣芽菜，芽菜好爽口，不過對我來講真係辣左少少，唔食得辣嘅話要量力而為啊。日式叉燒味道好甜，肥瘦適中，如果可以多幾塊就完美喇。拉麵煮得啱啱好，唔會過軟，我平時最怕食太淋嘅拉麵。食完成碗拉麵已經好飽，餐廳標榜冇落味精，不過返到屋企都有少少口乾。總括而言，拉麵質素係幾好嘅！