天勝

營業中

休息中

來到呢度，真係有驚喜，一入去，歡迎語當然係日文喇，但傾多两句，發覺待應都好似真嘅日本人，事關幾年前識得個日本朋友，都係咁樣講嘢㗎，而且入面都有4、5個日本客人，可惜我小學雞嘅日文水準係唔多聽得明。中午時分，Lunch Menu就係得呢張紙，話多唔多，話少唔少。叫咗個刺身定食，首先上嘅係前菜，沙律和蒸蛋，啲人成日話好似響日本，但此時此景你真係感覺到喺日本，身邊嘅人，食物，裝飾……個蒸蛋好嫩滑，内有香菇，有螺肉，yummy.跟住上埋刺身，白飯，味噌湯，咸菜。刺身有池魚，吞拿魚，魷魚，甜蝦仲有一樣叫不出名嘅魚，全部都鮮味十足，同係日本享用嘅一個樣。最後上埋甜蜜蜜的哈密瓜，切成三舊，方便享用，讚！唯一遺憾嘅係今日約我來嘅朋友因臨時有嘢做來唔到。