影片
更多
2022-03-05
490 瀏覽
🐟Seabass Carpaccio & Baerii Caviar $388 🐌Burgundy Snails $128 🦑Seafood Penne $208 🍗Half Roasted Chicken $228 佢哋有個Festive Sensations嘅Menu係每兩個月轉一次菜式，上面菜式唔係好多，而我哋就揀咗鱸魚生配魚子醬，薄切片嘅鱸魚生食過都知咩料，好清新略帶鮮甜，但味道唔算好強，而魚子醬係來自Bordeaux嘅優質品種，但份量唔算好多，我覺得以呢個價錢係偏貴💸。 叫咗個來自Burgundy嘅法國田螺🐌，共有九粒，外型同做法比我想像中有少少出入，因為普遍法國嘅escargot都會配埋田螺嘅殼上枱🐚，不過味道係幾好，佢嘅parsley牛油都唔錯。至於pasta有兩款嘅選擇，我哋就揀咗通心粉🍝，用上嘅配料都算豐富，有蝦、魚、魷魚🦑，加埋好香濃嘅龍蝦濃湯🦞，口感幾豐富，而且通心粉鎖住到啲醬汁。 最後上枱係半隻烤雞配上法式薯條同沙律🐓，仲有兩隻特別嘅醬，呢個菜式係相當豐富，隻雞算得上幾滑，雖然都有雞胸肉，如果落埋啲醬料就更加惹味，但薯條唔知係咪法式會比較腍身🍟。 整體
🐟Seabass Carpaccio & Baerii Caviar $388
🐌Burgundy Snails $128
🦑Seafood Penne $208
🍗Half Roasted Chicken $228
佢哋有個Festive Sensations嘅Menu係每兩個月轉一次菜式，上面菜式唔係好多，而我哋就揀咗鱸魚生配魚子醬，薄切片嘅鱸魚生食過都知咩料，好清新略帶鮮甜，但味道唔算好強，而魚子醬係來自Bordeaux嘅優質品種，但份量唔算好多，我覺得以呢個價錢係偏貴💸。
叫咗個來自Burgundy嘅法國田螺🐌，共有九粒，外型同做法比我想像中有少少出入，因為普遍法國嘅escargot都會配埋田螺嘅殼上枱🐚，不過味道係幾好，佢嘅parsley牛油都唔錯。至於pasta有兩款嘅選擇，我哋就揀咗通心粉🍝，用上嘅配料都算豐富，有蝦、魚、魷魚🦑，加埋好香濃嘅龍蝦濃湯🦞，口感幾豐富，而且通心粉鎖住到啲醬汁。
最後上枱係半隻烤雞配上法式薯條同沙律🐓，仲有兩隻特別嘅醬，呢個菜式係相當豐富，隻雞算得上幾滑，雖然都有雞胸肉，如果落埋啲醬料就更加惹味，但薯條唔知係咪法式會比較腍身🍟。
整體來講都唔錯，食得好豐富好飽。地點其實有少少吊腳，位於佐敦尖沙咀同紅磡嘅中間，一條唔太起眼仲要維修緊嘅道路，但出奇地算係多人，而且座位充足，有兩層，我哋坐喺�上邊，比較靜同環境昏暗。
📍Scarlett Cafe & Wine Bar - 尖沙咀柯士甸路2號地舖 @scarlett_hk
張貼
