影片
更多
2020-12-15
1388 瀏覽
話說今日同男朋友行開佐敦廟街嗰邊，行行吓就行到油麻地嗰邊，見到有間新開嘅泰國菜🇹🇭記起自己都好耐冇食泰國菜☺️喺佢門口都坐住啲泰國店員，應該真係好正宗嘅泰國菜，如果開喺人多嘅地方會吸引更多人流。食物種類都幾多，有小食、海鮮、飯類等等。首先叫咗杯泰式奶茶，每次都覺得係正宗嘅泰國餐廳飲嘅泰式奶茶先有不一樣嘅味道，而事實上真係㗎。泰式奶茶嘅奶味好豐富，明顯會feel到🧡茶味唔會好苦，兩樣嘢黎講係好match，最重要係飲品唔會太甜。男朋友叫咗杯龍眼冰，龍眼冰向來係比較甜嘅，勝在入面真係有粒粒嘅龍眼肉😊夏天飲會更加透心涼。柚子大蝦沙律呢道菜，相信大家都唔陌生，都係一道常見嘅泰國菜～大蝦好爽口彈牙，索埋柚子啲味好清新☺️聽聞食柚係有減脂作用，食多少少都算呃下自己係可以發揮到作用🤣入面仲有啲腰果，我本身都幾中意食nuts，脆脆哋連埋沙律幾好食。跟住係蒜蓉包，平時其實少喺泰國餐廳食蒜蓉包，但見到呢度真係泰國人主理所以試吓。蒜蓉包入面唔只蒜蓉，食落仲甜甜哋咁，應該都有落咗啲牛油🧈麵包香脆又滋味。勁耐冇食椰青海鮮炒飯！次次食親呢道菜都覺得個樣好鬼正🤣唔食得都睇得。海鮮有青口、大蝦、魷魚等等，啲海鮮都幾新鮮，入
食物種類都幾多，有小食、海鮮、飯類等等。
首先叫咗杯泰式奶茶，每次都覺得係正宗嘅泰國餐廳飲嘅泰式奶茶先有不一樣嘅味道，而事實上真係㗎。泰式奶茶嘅奶味好豐富，明顯會feel到🧡茶味唔會好苦，兩樣嘢黎講係好match，最重要係飲品唔會太甜。
男朋友叫咗杯龍眼冰，龍眼冰向來係比較甜嘅，勝在入面真係有粒粒嘅龍眼肉😊夏天飲會更加透心涼。
柚子大蝦沙律呢道菜，相信大家都唔陌生，都係一道常見嘅泰國菜～大蝦好爽口彈牙，索埋柚子啲味好清新☺️聽聞食柚係有減脂作用，食多少少都算呃下自己係可以發揮到作用🤣入面仲有啲腰果，我本身都幾中意食nuts，脆脆哋連埋沙律幾好食。
跟住係蒜蓉包，平時其實少喺泰國餐廳食蒜蓉包，但見到呢度真係泰國人主理所以試吓。蒜蓉包入面唔只蒜蓉，食落仲甜甜哋咁，應該都有落咗啲牛油🧈麵包香脆又滋味。
勁耐冇食椰青海鮮炒飯！次次食親呢道菜都覺得個樣好鬼正🤣唔食得都睇得。海鮮有青口、大蝦、魷魚等等，啲海鮮都幾新鮮，入面炒飯嘅數量都幾多，另外仲有啲椰汁🥥，增加左一份清甜。
串燒拼盤當然都係泰國菜入面唔少得嘅一環，同平時一樣都係有豬牛雞，試吓味道如何先。豬肉嘅口感比較實在，牛肉嘅味道都幾出嘅，食親牛肉都驚會整得太硬，好彩佢吾會😊雞肉正常都唔會難食得去邊嘅。幾款點左咗沙嗲醬都好好味～
最後係椰汁大菜糕，椰汁味都唔會話太甜👍🏼就咁椰汁糕可能成日食，椰汁大菜糕比較少見，大菜糕好爽口。
張貼
