泰簡單

營業中

休息中

喺銅鑼灣收工，約朋友食泰國菜，近近哋揀咗位於總統戲院頂樓嘅呢間餐廳。呢度環境夠chill，分室內同室外區，裝修都幾靚，適合打卡；而且夠地道，侍應同廚師都係泰國人，菜式夠晒泰國風味，夜晚仲有cocktail飲添。 冬蔭功食泰國菜當然唔少得冬蔭功。唔算太辣，酸味相對較重，相當開胃。材料豐富，草菇、秀珍菇同大頭蝦嘅份量都幾多，加上香茅、檸檬葉等香料，夠晒惹味。 柚子沙律酸酸澀澀，新鮮柚子肉好清新，配上魚露味等醬汁，好有泰式風味；脆口嘅腰果令口感更豐富。 飛天通菜面豉醬鹹香，辣椒香辣，通菜保持翠綠爽口。 蝦醬炒飯炒飯乾身，蝦醬味濃得嚟唔會嗆口。肉片同炒蛋都好嫩滑，配泰式臘腸鹹甜鹹甜，味道豐富。