寶泰船麵 (已結業)

去咗廣華街呢間主打食泰式船麵嘅小店，餐廳地方唔算好大，但坐得都算舒適，午市套餐包小食+主食+餐飲，星期六日都有得叫▪️寶泰船麵 (豬)經店員介紹下揀咗呢個招牌麵，主要配料都係豬，包括有蝴蝶腩、豬肉片、豬潤、豬肉丸同炸豬皮，麵條可以揀金邊粉、鴨蛋麵或米粉，食落好豐富，湯頭充滿泰式風味▪️清邁咖哩雞湯麵 咖哩湯底濃郁惹味，有越食越辣嘅感覺，有雞下脾、雞翼槌同炸麵條，配料沾滿惹味咖哩汁，食落好香口，配上粗麵更能掛曬啲湯汁，非常滋味▪️曼谷街頭炸雞翼雞翼即炸十分香脆，配上泰式辣醬更惹味▪️泰式凍奶茶奶茶飲落幾香，而且唔會太甜▪️薄荷青檸梳打清新解膩，消暑一流