滿泰小廚

營業中

休息中

假日經過西貢呢條小巷，真係好多人。間間餐廳都坐滿人。今日下午茶時間經過呢間泰國餐廳，見到有兩個人都食緊碗雞粉，好吸引就入左去。我和友人分別嗌咗個泰式雞粉和泰式豬頸肉粉。碗粉其實唔大，都幾細碗，肉都唔多。雞肉幾好食，肉質夠鮮嫩，豬頸肉可以。湯粉的湯底好清甜，係泰式湯底味道，算正宗。枱面有幾款辣椒，我覺得加少少辣汁同辣粉更好食。不過覺得價錢有點貴，而且下午茶時段期待會有杯野飲跟但係竟然無。所以雖然食物質素ok，但性價比唔高。