小清邁 (柯士甸大廈)

營業中

休息中

朋友推介呢間小清邁外賣店，由正宗泰國人主理，外賣都可以食到地道泰菜。今日就買番個外賣返屋企品嚐一下，價錢合理，食物有好多選擇，炒飯炒麵、咖喱、海鮮同串燒全部即叫即做，大約等待15分鐘，而且份量大大份，好足料。✦無骨海南雞飯海南雞雞肉鮮嫩，雞皮爽口嫩滑，皮薄不會多脂肪，夠哂入味。油飯粒粒分明，煙煙靱靱，啖啖肉！✦生菜包生菜新鮮爽脆，肉碎份量勁多，拎返屋企仲熱辣辣♨️炒得好香好惹味，辣得過癮。✦芒果糯米飯 超甜芒果🥭，糯米飯成舊粢飯份量，夠大份，而且有好多椰漿，飯後甜品一流。✦泰式奶茶樽仔包裝，好香醇入口順滑，甜度比例剛好。