金屋泰國菜館

營業中

休息中

今晚同爸爸去左荃灣楊屋道街市附近既泰國餐廳用餐。之前成日搭車經過望到，今日終於黎試一試了。餐廳入面環境都好有泰式裝修，感覺好似置身於地道既泰國中，當下自己去左旅行，開心一下都唔錯。餐牌上都有各式各類既菜式，好多特色都有，唔錯唔錯。總有一款會岩食。我同爸爸決定點一客炒粉麵、同一客小食。先點了一份泰式炒金邊粉。基本上每次去泰國餐廳，我都好鍾意食炒金邊粉，因為入面又多餸，多數會有蝦、肉粒、花生碎等等，吃起來味道同口感都唔錯。咁呢間餐廳既泰式金邊粉都做得相當不錯，好惹味，熱辣辣的，配料又不少，拌勻來吃，正。另一款我們點了一份小食拼盤，因為好多款小食都想食，所以決定點一個拼盤，咁樣可以咩都食到，款款都有。賣相好靚好豐盛，大滿足入面有炸蝦餅。金黃外皮，外脆內軟好好味。炸魚餅，外皮煙韌一點，魚味濃，好似食緊炸魚蛋咁，好好味好好咬。春卷，餡料好多，脆卜卜，正雞肉串燒，啖啖肉好好味，配埋個醬更為惹味。間餐廳仲有好多唔同菜式，下次經過可以黎食埋。