影片
更多
2021-10-13
253 瀏覽
落咗波，天氣涼涼哋，最啱食辣野。呢間泰菜店嘅室內設計唔行傳統泰國feel,而係現代輕盈風。係附近家庭聚餐嘅熱門選擇。而我最鍾意佢嘅濃味作風，因為夠地道，不過屋企人就覺得太濃味。私心精選：1）冬陰功湯 （$188）湯底夠濃味，🈵️足我重口味嘅口味，夠酸夠辣先係thai style～飲得出佢用咗好多料去意個湯底，味道豐富。仲有，佢啲蝦係大隻，新鮮，爽口，彈牙！應該係泰國黎嘅河蝦。同埋佢份量足，4人份量嘅portion可以裝到8-10碗！2）焗香草粉絲老虎蝦煲 （$168）另一濃味之選。正蝦，濃味，多粉絲，啱晒送飯。（不過啲蝦似乎唔係老虎蝦🤭）3）香草豬肉乾炒河（$68）夠乾身，啲河粉又吸晒汁，夠鑊氣（係商場店食到大排檔式鑊氣！）4）明爐香草蒸烏頭魚（$168）熱辣辣嘅魚，啲汁酸酸甜甜，微辣，烏頭魚冇泥土味，加埋啲菇、耶菜、大蔥等配菜，好豐富嘅感覺。5）蒜蓉炒椰菜苗（$65）純粹因為自己鍾意食椰菜苗，而佢嘅椰菜苗炒得有火氣，甜甜地，加埋蒜香，好好味。我自己一個人都可以KO成碟。
呢間泰菜店嘅室內設計唔行傳統泰國feel,而係現代輕盈風。係附近家庭聚餐嘅熱門選擇。
而我最鍾意佢嘅濃味作風，因為夠地道，不過屋企人就覺得太濃味。
私心精選：
1）冬陰功湯 （$188）
湯底夠濃味，🈵️足我重口味嘅口味，夠酸夠辣先係thai style～飲得出佢用咗好多料去意個湯底，味道豐富。仲有，佢啲蝦係大隻，新鮮，爽口，彈牙！應該係泰國黎嘅河蝦。同埋佢份量足，4人份量嘅portion可以裝到8-10碗！
2）焗香草粉絲老虎蝦煲 （$168）
另一濃味之選。正蝦，濃味，多粉絲，啱晒送飯。
（不過啲蝦似乎唔係老虎蝦🤭）
3）香草豬肉乾炒河（$68）
夠乾身，啲河粉又吸晒汁，夠鑊氣（係商場店食到大排檔式鑊氣！）
4）明爐香草蒸烏頭魚（$168）
熱辣辣嘅魚，啲汁酸酸甜甜，微辣，烏頭魚冇泥土味，加埋啲菇、耶菜、大蔥等配菜，好豐富嘅感覺。
5）蒜蓉炒椰菜苗（$65）
純粹因為自己鍾意食椰菜苗，而佢嘅椰菜苗炒得有火氣，甜甜地，加埋蒜香，好好味。我自己一個人都可以KO成碟。
張貼
