影片
更多
2019-10-30
902 瀏覽
西洋菜豬骨湯，清爽滾湯水感突出，油油漱漱口還可以。合掌瓜豬骨湯，免費例湯食飯前整碗湯水濕濕口！我最鍾意飲湯，中西都一樣愛。依碗真心好湯水，仲好油添 ，飲一碗收皮唔想第二碗。霸王花豬骨湯，估計係掛。永遠飲完都唔知是什麼，因為文記每款例湯味道都係幾乎一樣。節瓜豬骨湯，可能係掛，依舊不知道飲緊咩湯。味道平平無特別，味精例湯一碗。淨河粉，湯底過粉清淡，豉油湯不是鮮雞湯？河粉硬實而且有陣生水味道，試一次便夠。豉椒排骨炒河，感受不到任何鑊氣，靜蠅蠅微溫豉椒排骨淋在暖河粉上，自行撈勻起動！細細粒排骨少少肉，咸味為主導，豉椒味不夠香醇，提不起勁來，馬虎大啖啜啜啜處理掉算數。肉絲窩麵，生日要食雞外，當然長壽麵都唔少得。輕輕暖意可以直接連湯帶麵倒落肚，淡茂茂湯底，腍劈劈的肉絲，不爽滑的麵條，出品一般唔難食。琵琶豆腐，熱烘烘豆腐鯪魚球，炸完再炆煨功夫也不少！外層嚥韌一咬爆開，嫩滑清淡鯪魚肉，微腥搭著濃郁豉油芡掩護一下，味道口感蠻美妙。椒鹽鮮魷，必食之選！鐵膽實有得出場。即叫即炸熱騰騰新鮮出爐，魷魚鮮味十足，爽口彈滑多汁。薄薄一層麵粉炸得非常香脆鬆化，鑊氣霸道。椒鹽辣椒蒜酥微辣夠惹味，浸埋甜酸喼汁醒胃醒腦更和
淨河粉，湯底過粉清淡，豉油湯不是鮮雞湯？河粉硬實而且有陣生水味道，試一次便夠。豉椒排骨炒河，感受不到任何鑊氣，靜蠅蠅微溫豉椒排骨淋在暖河粉上，自行撈勻起動！細細粒排骨少少肉，咸味為主導，豉椒味不夠香醇，提不起勁來，馬虎大啖啜啜啜處理掉算數。肉絲窩麵，生日要食雞外，當然長壽麵都唔少得。輕輕暖意可以直接連湯帶麵倒落肚，淡茂茂湯底，腍劈劈的肉絲，不爽滑的麵條，出品一般唔難食。
琵琶豆腐，熱烘烘豆腐鯪魚球，炸完再炆煨功夫也不少！外層嚥韌一咬爆開，嫩滑清淡鯪魚肉，微腥搭著濃郁豉油芡掩護一下，味道口感蠻美妙。椒鹽鮮魷，必食之選！鐵膽實有得出場。即叫即炸熱騰騰新鮮出爐，魷魚鮮味十足，爽口彈滑多汁。薄薄一層麵粉炸得非常香脆鬆化，鑊氣霸道。椒鹽辣椒蒜酥微辣夠惹味，浸埋甜酸喼汁醒胃醒腦更和味！次次都鬆脆金黃惹味超高水準，多年來絕無投訴的機會。
西檸軟雞，壓到薄薄扁扁雖然易炸兼快熟，但變得乾硬鞋又無肉汁呢！脆就真係非常香脆，西檸汁黐糊糊酸咪咪。西檸豬扒，估唔到炸得外脆內嫩，鬆鬆的豬扒還有一絲豬甜味，滾埋先酸後甜西檸汁，醃味跟酸味難得合拍滿意。粟米斑塊，我本想要菜遠斑腩，不過同事指定菜色，無所謂。意想不到有驚喜！新鮮即炸鮮氣外洩，並不是翻炸陰沉類，外層鬆化略脆不油膩，魚肉嫩滑多汁，罕見難得。厚厚蛋花粟米汁，滑滑粟甜蛋香，味道得宜。
生炒排骨，脆脆乾乾的外層，炸得通透沾滿甜酸汁，食其香口無咩肉食不喜歡。京都骨，不知某年某月開始京都骨已轉用豬扒，變成京都肉排不再係一字骨，完全兩樣東西，價錢差好遠呢。炸熟後再用甜酸汁回鍋即成，酸酸甜甜好開胃醒神。豬扒醃得美味炸得香口，肉質腍而有趙口，熱辣辣大啖大啖咬，好滿足幸福啊！*
豉汁涼瓜炒排骨，上年突然開始食得到苦瓜，仲要越食越鍾意那甘苦味道爽脆多汁，回想最衰都係大埔街市伍仔記！就是由他們的冰鎮涼瓜開始。苦瓜甘而不苦，爽嫩多汁不過腍。大排擋式排骨經常骨多肉少，醃得過火味濃濁，今次也不例外，幸好跟苦瓜同吃還可以。牛柳絲炒韮菜花，竟然開始食到韮菜花，仲越食越鍾意添，以前我一食就會反胃想嘔架！韮菜花鮮嫩爽甜索索聲沒半點渣，夾著醃味濃鬆軟牛柳絲齊齊趙，味道共融和諧，只係有點油。
豆豉鯪魚炒油麥菜，我由細到大都非常抗拒豆豉鯪魚，有新鮮魚唔食，為何要食罐頭乾爭爭油淋淋？我堅係掂都唔會掂，不過依碟菜不太油，可以食幾棵油麥菜試試。菜葉沾著魚油，甘香散發豆豉味，夾著少許乾柴魚肉碎品嚐，爽甜多汁都的菜還可以。同事有趣地問點解豆豉鯪魚碎晒架？笑死我！莫非油麥菜要墊底，魚塊鋪面嗎？炒菜黎架喎。
蒜蓉蒸土魷，鮮氣使人淘醉，生猛到彷如依然跳盪地游水中。蒜蓉帶甜亦帶辛，滿滿的躺在肚魷齊齊塞入，彈彈鮮甜有嚼勁，心滿意足。土魷蒸肉餅，肉餅每次都勁多肥豬肉，雖然會更香口更鬆軟更芬芳，不過實在太多會食到成口油呢！嚥韌味濃的土魷夾雜在嫩滑多汁肉鬆間，肉甜魷香滲著肉汁，撈飯無得頂！
蝦米粉絲蒸水蛋，次次都三色或肉鬆悶到死！試試兒時阿媽最愛煮比我食既家鄉名菜。海鮮乾貨蝦米咸鮮非凡嚥嚥韌韌，長長彈彈粉絲像樹根般抓緊嫩蛋，大啖大啖撈飯享用，甜美芳香大快朵頤，迅間成碗飯蒸發掉，忍不住要多碗白飯啊！蝦米粉絲煲，作為主角既粉絲份量太少，唔夠喉唔夠分配，索盡湯汁夾著蝦米青瓜條濕滑地跣入口，舒服美麗！青瓜條反而多到喧賓奪主，不如叫青瓜煲啦！半腍半脆，保有獨特清爽味道。
海鮮雜菜粉絲煲，果真幾海鮮雜錦喎！有蝦米及魷魚，夠專注無其他，勝在熱騰騰噴著煙端上。海味雜菜煲同蝦米粉絲煲既合體，而且菠菜、白菜、菜芯、西蘭花、紹菜、冬菇、青瓜、等等，什麼都有百花齊放！落味地獄咸度，咸蟲雜菜連湯底都偏咸，勁撈飯都頂唔緊。
沙嗲肥牛粉絲煲，不吃芽菜的我又要花點工夫挑走，可以安心食用咯。深深的咖啡色，厚厚沙嗲汁重手頗咸，真係要撈多幾啖飯降咸一下，連鞋牛肉爽金菇滑粉絲齊齊扒入口，出奇地味道蠻不錯吧。薑蔥魚頭煲，還妄想會給我大魚頭，實在太天真喇！睇個價錢都知梗係細細無肉鯇魚頭，無肉食骨杉杉，炸得透徹脆卜卜盡吸薑蔥豉油汁，好鬼咸囉！
薑蔥魚腩煲，話晒有啖肉食，結實的炆鯇魚腩，醃味濃郁不過仍食到魚味，魚汁醬油撈飯都十分相襯。魚香茄子煲，衰到連魚香茄子都出動埋，人家減緊磅架！忍無可忍，無論如何真係要叫個白飯。熱騰騰吱吱渣渣出場，味道濃郁微辣惹味，還有陣陣咸魚霉香。茄子軟綿濕滑，搭著肉鬆齊齊搭飯食，有讚無彈好味道，無話可說。
椒絲腐乳炒通菜，飄著輕煙滾滾的送到，有鮮氣有鑊氣！立即大大注連汁塞滿嘴仔，我最愛粗粗的水通，鮮嫩翠綠爽甜多汁，配埋乳香微辣的醬汁更加美麗動人！蒜蓉炒油麥菜，食菜梗係要一束束大啖大啖地趙，這樣才感受得到兇湧的菜汁，霸道的菜甜，野蠻的爽嫩，還有陣陣溫柔的蒜香。
菜膽雞一隻，我地明明要菜膽雞喎，點解會變成菜芯雞呢？從未聽過菜芯膽喎。依隻雞不得了，完全無雞味只有雪藏味，靠個芡汁同薑蓉，給我辣椒豉油會更好。皮厚大肥雞份量很多，肉質死實無鮮味，乾鞋兼備，芡汁死咸有少許麻油味，毫無香甜可口味道，實在地獄級難食，大家試一件就放棄。菜芯爽甜嫩，多汁脆口全部清掉。
魚香茄子，隻煲呢？乾爭爭無汁，乾炒魚香茄子？茄子爽脆，我要勁綿勁滑勁多汁架！咸味強，辣味弱，失敗！肉片炒菜芯，滑潺潺嚥韌的肉片搭著爽嫩甜菜芯齊咬，互補不足蠻可口。
咸蛋蒸肉餅，竟然用上鮮咸蛋，不是求其放片現成咸蛋黃蒸就算數，誠意可加。即蒸肉餅類都要用加倍的耐性等候，花上十幾二十分鐘實屬正常。鬆軟的肉餅大量肉汁夾雜肥豬肉格外甘香，咸蛋黃蛋白肉鬆撈飯無可抗拒的魔力，啖啖肉搭無比飯香，食指大動，大快朵頤！
三色蒸水蛋，其實我地應該無點蒸水蛋，不過大家都忘記了！既然侍應叔叔送上門盛意拳拳，免強殷然接受。雞蛋滑溜溜震騰騰，味甜可口。藏著彈彈皮蛋及甘香咸蛋跟甜豉油白飯混和，味道昇華蓋頂！大大啖飯大大啖蒸蛋，開心幸福心心眼！白飯魚炒蛋，煎得兩面金黃焦香，熟蔥飄出芬芳氣味，淨聞都已流晒口水！蛋味濃郁緊緊包著清淡微濕魚肉，送飯不得了！停不下來。
馳名羊腩煲，大大鑊落足料，豪氣闊綽無手軟，真材實料重量級！廿幾舊羊腩啖啖肉，肉多骨少大滿足，清甜不羶食到舔舔脷！羊腩滾上腐乳讓白飯抱著享用，無從挑剔，美味佳餚非您莫屬！羊腩湯撈飯同樣出色過人。配菜冬菇、馬蹄、竹筍、枝竹、唐生菜、等等，高質一絲不苟好好味。
手切肥牛，顏色亮麗富光澤，看得見的優質。牛肉甜味強烈，夾著軟綿綿在羊腩湯肉涮兩涮，變得粉紅彈滑充滿肉汁，而且吸收大量羊腩湯就更加水潤，不過味道不太合適。
西洋菜豬骨湯
9 瀏覽
0 讚好
0 留言
淨河粉
14 瀏覽
0 讚好
0 留言
豉椒排骨炒河
7 瀏覽
0 讚好
0 留言
肉絲窩麵
7 瀏覽
0 讚好
0 留言
琵琶豆腐
23 瀏覽
0 讚好
0 留言
椒鹽鮮魷
18 瀏覽
1 讚好
0 留言
西檸豬扒
10 瀏覽
0 讚好
0 留言
西檸軟雞
11 瀏覽
0 讚好
0 留言
粟米斑塊
11 瀏覽
0 讚好
0 留言
生炒排骨
10 瀏覽
0 讚好
0 留言
京都骨
5 瀏覽
0 讚好
0 留言
豉汁涼瓜炒排骨
17 瀏覽
0 讚好
0 留言
牛柳絲炒韮菜花
12 瀏覽
0 讚好
0 留言
豆豉鯪魚炒油麥菜
8 瀏覽
0 讚好
0 留言
蒜蓉蒸土魷
10 瀏覽
0 讚好
0 留言
土魷蒸肉餅
14 瀏覽
0 讚好
0 留言
蝦米粉絲蒸水蛋
9 瀏覽
0 讚好
0 留言
蝦米粉絲煲
11 瀏覽
0 讚好
0 留言
海鮮雜菜粉絲煲
16 瀏覽
0 讚好
0 留言
沙嗲肥牛粉絲煲
24 瀏覽
1 讚好
0 留言
薑蔥魚腩煲
24 瀏覽
0 讚好
0 留言
薑蔥魚頭煲
33 瀏覽
0 讚好
0 留言
魚香茄子煲
55 瀏覽
0 讚好
0 留言
椒絲腐乳炒通菜
31 瀏覽
0 讚好
0 留言
蒜蓉炒油麥菜
37 瀏覽
0 讚好
0 留言
菜膽雞一隻
29 瀏覽
0 讚好
0 留言
手切肥牛
21 瀏覽
0 讚好
0 留言
馳名羊腩煲
50 瀏覽
0 讚好
0 留言
馳名羊腩煲
30 瀏覽
0 讚好
0 留言
手切肥牛
31 瀏覽
0 讚好
0 留言
張貼
