怡景冰室

營業中

休息中

尖沙嘴新開冰室主打多款性價比高嘅煮家飯，肉類海鮮，煎炸蒸煮，仲有常見下午茶美食。店內裝潢簡約，有上下兩層，雖然座位之間嘅距離較窄但勝在樓底夠高，充滿香港懷舊風味。晚市套餐包括蔬菜同沙律，主食任選，再搭配白飯、公仔麵、米粉，另可加錢要飲品，平均一人都唔洗一百蚊，價格非常親民。蔬菜新鮮，份量唔少、沙律醬汁夠多，好肥好好味。主食有香煎肉餅，外層酥脆且薄身，肉味香濃，咬落軟嫩又多汁，而且完全唔油，好有驚喜。豉汁豆卜蒸魚腩煮至入味，魚幾鮮甜，下面有豆腐同豆卜，吸滿醬汁，配飯一流。小食方面會推介咖央西多士，出面比較少見，外層炸至金黃酥脆，塗上一層咖央，超級邪惡。另外有芝士辣肉醬手抓餅，估唔到餡料都唔少，手抓餅薄身且鬆軟，微微辣好開胃。