宜昇美食

營業中

休息中

係大元村街市的一間小店，每次經過都好多人，除咗價錢親民之外，就係因為店內有好多選擇，車仔麵、腸粉、重慶酸辣粉、碗仔翅等等，種類多得誇張！今次同老公叫咗3樣嘢食，$10腸粉有3條，熱辣辣的腸粉好滑身唔會太厚皮，好食！黑胡椒蜆肉米線($34)超多蜆肉，而且每粒都有啲肉地唔係迷你種，食極都食唔完咁。黑胡椒亦十分足料，配合埋菜甫、蔥花好香口，啖啖入口都又香又少少辣。四寶翅($32)係碗仔翅加入餃子、生菜、豬紅同埋兩嚿炸魚腐，大大碗好抵食。碗仔翅濃度適中，但食到尾就會變得比較稀。配料就正正常常，無乜特別亦唔會太差。但以呢個價錢而言，算好抵食。