影片
更多
2019-08-28
1351 瀏覽
講到我最喜歡嘅扒房就真係非金鳳莫屬⚠️第一，價錢貼地，就連大事大節都只係加二三十蚊，有時節日諗唔到去邊度慶祝🎉，我都會選擇黎金鳳。第二，份量足味道唔錯，呢度嘅牛扒絕對係份量十足，唔會薄依依一塊，牛味亦好香濃今次就帶屋企人黎鋸扒，爹哋第一句就話呢度環境好有舊式扒房嘅感覺，裝修睇落都有返咁上下歷史，有啲破舊，反而更加有味道。另外一讚係呢度上菜速度超級快，啱啱一點完菜，店員馬上就遞上一籃熱辣辣嘅餐包。餐包好軟熟，最緊要係夠熱，保溫做得好足。餐湯方面就分紅同白湯，個人比較喜歡紅湯，因為會有好多煲淋左嘅蘿蔔同西芹食，材料豐富。唔使幾耐牛扒即刻送到，可以選擇黑椒汁或者燒汁，當然牛扒梗係配黑椒汁啦美國雪花牛扒（五成熟）$133我叫嘅係美國雪花牛扒五成熟，佢嘅肉質比較軟綿綿，口感入口即溶咁！肥瘦均勻，最緊要係佢有兩塊牛扒打孖上，啱晒食肉獸5成熟岩岩好！建議可以叫佢少汁，咁就緊加食得出佢嘅牛味。哩度嘅薯條比較幼身，鍾意就會覺得好脆好可口，唔鍾意嘅可能就會覺得太乾，不過今次索得太多汁喇，所以無咩點食到。招牌牛柳 （7成熟） $119哩個係爸爸叫嘅招牌牛柳，一大塊超級厚！哩款牛比雪花牛更重牛味，牛肉質感亦較厚
第一，價錢貼地，就連大事大節都只係加二三十蚊，有時節日諗唔到去邊度慶祝🎉，我都會選擇黎金鳳。
第二，份量足味道唔錯，呢度嘅牛扒絕對係份量十足，唔會薄依依一塊，牛味亦好香濃
今次就帶屋企人黎鋸扒，爹哋第一句就話呢度環境好有舊式扒房嘅感覺，裝修睇落都有返咁上下歷史，有啲破舊，反而更加有味道。
另外一讚係呢度上菜速度超級快，啱啱一點完菜，店員馬上就遞上一籃熱辣辣嘅餐包。餐包好軟熟，最緊要係夠熱，保溫做得好足。
餐湯方面就分紅同白湯，個人比較喜歡紅湯，因為會有好多煲淋左嘅蘿蔔同西芹食，材料豐富。
唔使幾耐牛扒即刻送到，可以選擇黑椒汁或者燒汁，當然牛扒梗係配黑椒汁啦
美國雪花牛扒
47 瀏覽
0 讚好
0 留言
美國雪花牛扒（五成熟）$133
我叫嘅係美國雪花牛扒五成熟，佢嘅肉質比較軟綿綿，口感入口即溶咁！肥瘦均勻，最緊要係佢有兩塊牛扒打孖上，啱晒食肉獸
5成熟岩岩好！
建議可以叫佢少汁，咁就緊加食得出佢嘅牛味。
哩度嘅薯條比較幼身，鍾意就會覺得好脆好可口，唔鍾意嘅可能就會覺得太乾，不過今次索得太多汁喇，所以無咩點食到。
招牌牛柳
40 瀏覽
0 讚好
0 留言
招牌牛柳 （7成熟） $119
哩個係爸爸叫嘅招牌牛柳，一大塊超級厚！哩款牛比雪花牛更重牛味，牛肉質感亦較厚實。
香燒羊扒 （5成熟） $125
媽咪唔食牛，叫左香燒羊扒（姐係羊架），份量仍然好足，媽咪略嫌太多汁，搶晒啲肉味
跟餐仲有餐飲一杯，用嘅杯都係好舊式。
整體環境雖然唔係行高檔路線，不過性價比絕對係好高，牛扒亦有番咁上下水準，係我嘅No.1扒房
張貼
