旺囍車仔麵 (已結業)

夜晚收工同女友出旺角朗豪坊行街拍拖，心血來潮女友想食車仔麵，於是搵到附近一間車仔麵試下 - 旺囍車仔麵，門口裝修幾特別，真的有架車仔，仲寫住全港首創車仔飯，不過我地今次都是先食車仔麵。餐牌有齊市面上一般有的配菜，而囍旺特別在有「十大推介」！樣樣都好吸引，最後我點了秘制牛孖根，咖哩陳魚蛋，牛肚，另加口水雞。女友就點了秘制雞中翼，惹味豬軟骨和金菇。車仔麵份量比一般多，男士們不用怕不夠飽！麵的賣相都不錯，一碗麵除了客人點的配料，還贈送青菜，其他地方青菜多數需要加錢才有，而旺囍就當係「送」，抵讚！我先試了秘制牛根，軟硬度適中，因為我比較怕太硬和難咬的牛根，這裡就剛剛好，不錯！牛肚也算易咬口，不過不失。再來咖哩陳皮魚蛋，十分驚喜！不同出面的魚蛋多有雪味或鯹味，魚蛋真的食得出陳皮味，超級入味，出面真係好難食到，個人誠意推介，必食！女友亦開心「share」她的餸比我試下，秘制雞中翼很淋很入味，幾好！惹味豬軟骨，軟骨亦算易入口，整體口感不錯。金菇就索哂辣汁，食得辣的可以一試。最後來了口水雞，辣味較淡，適合廣東口味，而且雞肉很白滑，不錯！特別一提，旺囍竟然有五花茶供應，可以即時解到辣，好特別！食完我們兩