影片
更多
2018-03-26
137 瀏覽
銅鑼灣食肆林立, 各國食物應有盡有. 要比平靚正, 性價比高, 必定係港式茶餐廳! 茶餐廳位於大廈既二樓, 上到去見到一排排卡位, 燈火通明, 侍應左穿右插地工作, 係港式茶餐廳既特色. 我地去醫肚已經差唔多係晚上9點, 過晒晚飯時間都甘多人. 收銀呀姐問我地幾位呀?! 之後立即叫侍應帶位, 直接, 爽快!!由於我地2個都餓鬼上身, 見到價錢牌食物真係唔貴, 好放心甘叫左幾樣野大家SHARE 食!明爐燒味三拚 – 油雞 叉燒 燒腩仔油雞 – 雞肉結實,啖啖肉,好入味. 最抵讚係D薑蓉, 好足料, 薑切得夠細粒. 加埋一齊食先係廣東燒味!叉燒 -叉燒一定係半肥瘦先至好食!!! 唔使特別講, 自動上半肥瘦叉燒就知呢道D叉燒好食! 肥膏位咬落去噴晒D肉汁, 瘦肉位唔硬好淋易咬. 蜜汁唔太甜, 成舊叉燒絕對唔會乾爭爭, 拎黎送飯仲正!!!!燒腩仔 – 睇相都見到係肥瘦一層一層間隔開, 絕對唔係拎D普通燒肉昆人. 切開細細蕭容易食, 呢D先係燒腩仔既精神. 加埋脆卜卜既外皮, 黃芥末, 絕對唔可以馬虎!廣東燒味就係甘有規有矩, 蜜汁唔會點油雞, 薑蓉唔會點腩仔,呢種潛規則係廣東人先會明!!!芥蘭
茶餐廳位於大廈既二樓, 上到去見到一排排卡位, 燈火通明, 侍應左穿右插地工作, 係港式茶餐廳既特色. 我地去醫肚已經差唔多係晚上9點, 過晒晚飯時間都甘多人. 收銀呀姐問我地幾位呀?! 之後立即叫侍應帶位, 直接, 爽快!!
由於我地2個都餓鬼上身, 見到價錢牌食物真係唔貴, 好放心甘叫左幾樣野大家SHARE 食!
明爐燒味三拚 – 油雞 叉燒 燒腩仔
油雞 – 雞肉結實,啖啖肉,好入味. 最抵讚係D薑蓉, 好足料, 薑切得夠細粒. 加埋一齊食先係廣東燒味!
叉燒 -叉燒一定係半肥瘦先至好食!!! 唔使特別講, 自動上半肥瘦叉燒就知呢道D叉燒好食! 肥膏位咬落去噴晒D肉汁, 瘦肉位唔硬好淋易咬. 蜜汁唔太甜, 成舊叉燒絕對唔會乾爭爭, 拎黎送飯仲正!!!!
燒腩仔 – 睇相都見到係肥瘦一層一層間隔開, 絕對唔係拎D普通燒肉昆人. 切開細細蕭容易食, 呢D先係燒腩仔既精神. 加埋脆卜卜既外皮, 黃芥末, 絕對唔可以馬虎!
廣東燒味就係甘有規有矩, 蜜汁唔會點油雞, 薑蓉唔會點腩仔,呢種潛規則係廣東人先會明!!!
芥蘭炒鯇魚片
芥蘭同鯇魚片都係極之難炒. 前者炒得耐又怕淋, 炒唔熟又太硬, 後者就最易炒到魚片變魚灰. 呢碟芥蘭炒鯇魚片夠獲氣, 芥蘭爽脆有咬口, 鯇魚片仲見到係鯇魚片, 配上薑汁, 真係簡單得黎又好食, 又有鮮味.
蝦頭膏蟹肉炒粉絲
另一有獲氣之作. 炒粉絲條條明, 唔會夾起一著著.就甘睇好似得幾條銀芽同雞旦, 但入面其實非常足料, 有好多蟹肉同物蝦膏 ,已經好夠味唔使再加任何醬料. 份量好多, 2個人食一定夠分.
柑桔七喜
簡直就係香港人既民間智慧. 一粒咸柑桔可以醫喉嚨痛, 係茶餐廳加埋七喜就變成一杯歷久不衰既凍特飲. 你話呢種浪漫鬼佬點會明?
成餐飯快靚正, 見到侍應走來走去, 辛勤工作, 爽快,霸氣,食物大件爽抵食, 醫飽個肚先係最實際!! 呢種就係茶餐廳既態度同宗旨!
另外見到餐牌有扒鋸, 下次必定會黎再試!!!!
張貼
