老長沙湘菜館 (已結業)

佐敦好多好嘢食，今日搵咗間湘菜餐廳試吓！餐廳裝修感覺好老字號！菜單裏面有好多選擇！搞到心大心細，唔知食乜好！我哋叫咗個水煮魚！嚟到嚇親我哋！😂超多魚！我哋叫咗小辣，但係見到個煲紅油滿滿，超多辣椒，以為都會好辣，反而味道好香👍🏼👍🏼入面配料都唔少，有薯粉，雲耳同埋萵筍！另外我哋叫咗青椒炒肉片，好似返咗深圳食一間好著名餐廳嘅一道菜咁😂 平時唔鍾意食青椒嘅我，竟然會係咁食，炒得非常之香口！去得食湘菜或川菜，我最鍾意就係叫辣椒炒包心菜🤪🤪 呢度炒得非常出色，炒到啲菜非常之入味！我哋仲叫咗涼拌魚皮😋魚皮非常之爽口，份量亦唔少，極都好似食吾完甘！由於我唔食芫荽，待應都好好，幫我走晒啲芫荽！