味帝漢堡 (已結業)

咁岩經過見到有間漢堡包專門店,見門面睇落細細間,佈置又幾有心機,於是就坐低左兩個人食 叫左三個漢堡包 一個沙津同一份奄列 都有八九成飽先上一個日式雜菜燒餅漢堡賣相非常好 忍唔住影多幾張相!日式燒餅入面有好多蔬菜同瓜果 煎到脆脆地 咬落爽口得黎又夠FRESH個照燒汁同沙拉醬咸咸地 襯埋蕃茄酸酸 成個包既感覺都好健康又好味!第二個係我至愛既飯漢堡記得細細個食過一次就已經愛上左 但都唔係有好多地方有得食個漢堡賣相依然唔錯 亦好香咬落漢堡中間係燒肉 唔係日日有 初二同十六拜完神先會有加埋燒汁味道甜甜地咁 但燒肉同個包唔係太夾 有啲乾身如果係免冶牛肉就一流!!!!!!如果D飯可以整得薄D同無咁乾個感覺會更加完美第三個漢堡係傳統CHEESE BURGER 我就揀左牛肉做塊扒 簡單既配搭 簡單既口味 無咩太大驚喜 但唔會令人失望最後仲有個蘑菇奄列同蛋沙律蘑菇奄列好滑好香蛋味 而入面既蘑菇係新鮮蘑菇 所以比較厚身有口感同埋菇味比較濃 不過唔係人人都鐘意~