影片
更多
2009-12-27
59 瀏覽
收工四人行先到尖咀HAPPY HOUR，再到九龍城吃泰菜﹗地點是上個月先食完既泰式燒王，今晚無牛胸肉，試左個泰式雜錦燒烤。價錢唔平成250蚊一個，個爐相當有趣，可以一爐兩食，最正係發現原來係炭爐，真係風味十足﹗坐在我地隔離是三個泰國女子，都係專登來呢度食呢個炭爐，連佢地都食應該夠哂地道了吧﹗爐上有一大塊豬油，吃前同燒緊野食既時候應經常用豬油刷刷燒板，咁樣就無咁易黐底同埋味道更足，這是我吃完之後睇見對面泰國人的做法，我地食時雞咁腳真係唔識﹗食物是一大個拼盤，有牛有豬有雞，仲有大腸同埋潤，牛丸蟹柳是用來打邊爐的﹔燒爐面積很細，仲要四個人分真係一次每人只可烤一片肉來吃，我只吃到牛豬雞，三樣都醃得入味非常，吃落新鮮甜美有肉味，老友們愛內臟就不停咁話潤是呢個爐最好食的﹗夠哂香軟味濃，大腸亦見爽口，爐還跟一大籃蔬菜，可以在烤爐邊的邊爐位置放湯淥來吃，一爐二食夠哂過癮又經典﹗凍冰冰對住呢個爐真係成身暖哂，不過其實在室內玩爐都幾大煙，侍應泰國姐姐都打開門來透透氣﹗這個爐四個大男人吃就唔多夠分，如果兩個人來呢間野只係食呢個炭爐就夠哂皮﹗跟手有十幾個中年漢入鋪，見到我地呢個爐都話要試下，我地在門口真係做左
地點是上個月先食完既泰式燒王，今晚無牛胸肉，試左個泰式雜錦燒烤。
價錢唔平成250蚊一個，個爐相當有趣，可以一爐兩食，最正係發現原來係炭爐，真係風味十足﹗
坐在我地隔離是三個泰國女子，都係專登來呢度食呢個炭爐，連佢地都食應該夠哂地道了吧﹗爐上有一大塊豬油，吃前同燒緊野食既時候應經常用豬油刷刷燒板，咁樣就無咁易黐底同埋味道更足，這是我吃完之後睇見對面泰國人的做法，我地食時雞咁腳真係唔識﹗
食物是一大個拼盤，有牛有豬有雞，仲有大腸同埋潤，牛丸蟹柳是用來打邊爐的﹔
燒爐面積很細，仲要四個人分真係一次每人只可烤一片肉來吃，我只吃到牛豬雞，三樣都醃得入味非常，吃落新鮮甜美有肉味，老友們愛內臟就不停咁話潤是呢個爐最好食的﹗夠哂香軟味濃，大腸亦見爽口，爐還跟一大籃蔬菜，可以在烤爐邊的邊爐位置放湯淥來吃，一爐二食夠哂過癮又經典﹗
凍冰冰對住呢個爐真係成身暖哂，不過其實在室內玩爐都幾大煙，侍應泰國姐姐都打開門來透透氣﹗
這個爐四個大男人吃就唔多夠分，如果兩個人來呢間野只係食呢個炭爐就夠哂皮﹗
跟手有十幾個中年漢入鋪，見到我地呢個爐都話要試下，我地在門口真係做左生招牌似的﹗
除了邊爐外當然還叫了不少食物，生蝦爽口新鮮醬汁帶辣度，好吃﹗
鐵板蠔仔蛋，蠔仔剛熟軟糯，配蛋同吃美味﹗
螄蚶灼得微熟，我就覺得血淋淋佢地話呢0的係人間極品，三個友人都唔洗五分鐘就清哂成碟幾十隻，仲話要再來多碟，可知好味程度﹗
烤雞夠哂大份，不過今次食好似比較乾左0鞋左0的，上次吃更好味﹗
最要介紹的係個泰式魷魚沙律，友人吃了兩啖後中左辣椒，飲左四五杯水同又流左成二十分鐘汗都未解到辣，睇住佢眼水鼻水汗水交融認真辛苦，是很惹味不過真係要小心，個汁真係辣得好緊要﹗
油酥餅脆口帶油脂香，淨吃也很美味﹗
想不到第二次食都有驚喜，拼盤雖然貴不過可以一大班人傾下計慢慢一片一片燒下玩下，確是過癮好玩，飲左六七支藍妹，埋單一人兩舊水，抵吃了吧﹗
張貼
