韓Cook (已結業)

我地夜晚去左韓國街食野，呢間價錢比較合理，店主係一個韓國阿珠媽，入到去好有去韓國小店的感覺。我地最後點左牛肋骨湯、水冷麵同海鮮煎餅。(1)牛肋骨湯 (即係韓國的雪濃湯)呢碗湯入面係有幾舊不同厚度的牛肋骨，牛肋骨連住D牛肉，牛肉爽口，有濃濃的肉味。最重要係湯底好有牛肉味，加上用左韓國米，米的黏度好夠，所以當一啖湯一啖飯再配上牛肉的時候，即刻好似去左韓國小店咁。(2)水冷麵炎炎夏日，好想食凍野，呢個水冷麵，我覺得唔夠凍，係普通室溫溫度，冇左可以即時消暑的感覺。不過overall冷麵都算彈牙，而且份量都多。(3) 海鮮煎餅海鮮煎餅煎得好脆，好香口，有好多海鮮係入面，不過海鮮的size唔算好大，係一款過口癮的小食!