文記車仔麵 (福榮街)

營業中

休息中

文記車仔麵，一條街有三間舖，基本上三間都長期有人龍，而且係三間分開拎飛，排邊間就自己諗啦，不過我通常會排晒三間🤣如果係1-2人，好快會有位，但如果係成班人而又堅持一齊坐就祝你好運！新店係bar 台，其實一齊坐都冇咩用，建議斷開幾個啦！點餐紙係循環再用，抵讚呀！餸嘅種類亦超多！建議食佢推介嘅餸！我最鍾意食玻璃魷魚，係入味的！蘿蔔亦清甜！湯底可額外配醬汁，有三款，不過加左醬汁會好重口味，建議你有良好腎臟先加醬汁！飲品方面，我次次都飲咸檸7，因為唔係咁多地方有咸檸！叫3-4餸+野飲，一個人$6x 埋單，車仔麵值唔值呢個價就自己衡量啦，不過真係好食嘅，行過又唔太多人咪排吓lor！