麥文記麵家

營業中

休息中

位於佐敦嘅老字號雲吞麵家。舖頭裝修簡約，入面好有舊式香港餐廳嘅感覺。嚟到雲吞麵舖，主角就梗係雲吞面啦。碗麵嘅賣相唔算好突出，不過佢嘅味道同埋用料係貨真價實。鮮蝦湯底清澈鮮甜，而且唔會又鹹又重味精，食完碗面會想飲多幾啖湯。幼面爽口彈牙，又唔會太重鹼水味，甚至會見到有少少光澤，睇得出麵家對麵底都講究。作為主角嘅雲吞的而且確係一流，雲吞入邊嘅蝦好大粒，幾乎佔咗成粒雲吞嘅80%，皮薄而且蝦肉鮮甜口感彈牙，比其他麵家更勝一籌。不過個人略嫌份量有點少，女士食既都夠，男士食嘅話有機會需要加底。老字號能夠屹立不倒的確係有佢嘅優勝之處，得到食客嘅讚賞都是有原因的。