金記冰室 (Two Harbour Square) (已結業)

早前女朋友上網睇到係觀塘海濱公園係打卡熱點，就操控咗我過去同佢散步。行咗一個來回大概兩公里之後， 有少少肚餓，諗住去附近搵食，但係都係見到飲咖啡嘅地方比較多。諗住行返出去觀塘市中心搵食嘅時候，就見到一間金記冰室，我哋帶住疲累嘅身軀同埋空蕩蕩嘅肚仔走咗入去，身為地道嘅香港人，入面嘅菜式好吸引 ，女朋友點咗個鮮茄焗豬扒飯，而我就食西冷牛扒配薯條，再加咗兩杯好邪惡嘅可樂加朱古力雪糕同埋雪碧加雲呢拿雪糕。鮮茄豬扒飯比起大家樂嘅差不多，係好味既。 而我塊西冷牛扒比餐牌入面嘅細一半，雖然質素算係唔錯，唔會有好韌嘅感覺，最後醫飽咗個肚就 行返出觀塘市中心搭車離開了。