Antonio-The King of Piri Piri Chicken (已結業)

好鐘意去堅尼地城嗰邊食嘢，好多特別嘅餐廳，而且好有氣氛☺️今次就去咗間新開嘅葡萄牙餐廳，所有店員都係葡萄牙人，餐廳半開放式，好開揚，好似去咗外國咁樣🇵🇹 🇵🇹Apetizer–Sardines Pate呢個有啲似西班牙嘅Tapas, 有一碟嘅沙甸魚醬，配合細細塊超香脆嘅多士，一口一啖，好香口，配埋白酒食唔停。🇵🇹Main – Espetada Tenderloin Beef Skewer呢個有啲似巴西燒烤肉，用個燒烤叉叉著兩大串牛里脊肉Tenderloin。肉質鮮嫩夠juicy, medium rare 剛剛好，雖然冇乜脂肪但係唔會靭，呢個牛仲會跟蒜頭焗飯上，比較乾身有啲似食緊印度咪咁樣，同個烤肉好夾，我哋仲叫咗杯葡萄牙嘅紅酒，一口牛肉一啖紅酒🍷what a life☺️🇵🇹Dessert – Apple Tart and Berliner甜品係南瓜布甸+柏林包，柏林包裏面搽咗啲好似 Custard 咁嘅醬，幾特別。有啲似食緊甜嘅餐包。另外仲有個南瓜布甸，同埋兩杯細嘅port wine, 超有特色又幾好味，同平時澳門食嗰啲葡國菜好唔同☺️好值得試吓👍