新榮興粥店

營業中

休息中

西灣河掃完街後，家人話想食下粥品，於是行到呢間新榮興粥品店。門外既油器吸引，望落係漲卜卜唔係漏晒氣，而且款款都幾大件!一律$10。叫左炸兩($16)，甜醬花生醬芝麻都任你落，外面腸粉都滑，入面油炸鬼都有脆感。艇仔粥($22)都幾多料，牛肉碎鬆軟的，魷魚、豬皮爽口，個粥都夠綿~蛋黃咸肉糉($20)夠新鮮，糯米唔會太腍"pat pat" ，包住蛋黃有咸香，點住砂糖幾唔錯，咸甜咸甜。炒麵($17) ，唔會好油既感覺，麵條韌度適中。豆漿($7) 順口，滑滑的，但就偏甜一D，如果有埋少糖既選擇就更好。我地個個時間唔係食飯時間，但都算幾多人黎食，係受街坊歡迎既老店!都幾抵食多選擇!