河內大娘越南餐廳 (已結業)

呢日同好耐冇見既朋友去尖沙咀食dinner，我地搵左一間越南餐廳小店。呢度裝修得好有越南style。打開餐牌，見到有好多地道既越南菜，望落去好吸引。我地點左越南烤豬肉奧巴馬粉，呢道菜個名好特別，我覺得佢有啲似撈檬，佢既餸、粉麵同汁係分開既，食既時候就將啲汁淋上啲麵到，酸酸地，好開胃。另外點左越式海鮮檬粉，檬粉上面有大大塊既魚餅。另外仲有燒大蝦柚子沙律，沙律上有兩大隻蝦，好新鮮，蝦肉好彈牙。呢度既芒果沙冰既好鮮甜。