影片
更多
2021-12-12
50 瀏覽
西貢越南真味同阿仔喺九龍城買完參考書，順便醫埋肚，我晏晝想食碗湯粉，於是入咗去一間越南餐廳。午飯時段，有多款午市套餐供應，主食連飲品。我揀咗香茅豬頸肉湯粉午市套餐($55)，豬頸肉件頭大，肉地爽口，河粉份量充足，加埋芽菜香葉青檸，入口濕濕地兼夾味道清新。餐飲升級，要咗杯椰汁紅豆涼粉冰($33)，紅豆起沙，又有我鍾意嘅涼粉，咁就係經濟實惠又啱胃口嘅一餐！阿仔鍾意食酸酸地嘅蕃茄牛腩飯($58)，另加椰汁三色冰($28)一杯。炆牛腩水準唔錯，肉質柔軟牛味濃。蕃茄汁多，啱晒細踹撈飯食，只可惜醬汁嘅味道偏鹹⋯ 追加咗個香茅豬肉濱海($68)。豬肉上面嘅花生碎粒增加麻香口感，生菜新鮮爽脆，濱海亦煙韌有嚼勁。呢個小食嘅味道同口感，同樣豐富！地址：九龍城獅子石道27號地舖
同阿仔喺九龍城買完參考書，順便醫埋肚，我晏晝想食碗湯粉，於是入咗去一間越南餐廳。
午飯時段，有多款午市套餐供應，主食連飲品。我揀咗香茅豬頸肉湯粉午市套餐($55)，豬頸肉件頭大，肉地爽口，河粉份量充足，加埋芽菜香葉青檸，入口濕濕地兼夾味道清新。餐飲升級，要咗杯椰汁紅豆涼粉冰($33)，紅豆起沙，又有我鍾意嘅涼粉，咁就係經濟實惠又啱胃口嘅一餐！
阿仔鍾意食酸酸地嘅蕃茄牛腩飯($58)，
另加椰汁三色冰($28)一杯。炆牛腩水準唔錯，肉質柔軟牛味濃。蕃茄汁多，啱晒細踹撈飯食，只可惜醬汁嘅味道偏鹹⋯ 
追加咗個香茅豬肉濱海($68)。豬肉上面嘅花生碎粒增加麻香口感，生菜新鮮爽脆，濱海亦煙韌有嚼勁。呢個小食嘅味道同口感，同樣豐富！
地址：九龍城獅子石道27號地舖
張貼
