饗 車仔麵 (已結業)

車仔麵一直都好中意食，又好味又平又地道☺️出開深水埗就搵下有咩黃店，就睇中咗呢間車仔麵😬~🍁 三餸一麵餐 ($38)麵底揀咗波菜麵(+$2)，清湯底加秘制辣汁，餸就揀咗柱侯牛腩、醉饗蛋同墨汁墨魚丸🙆🏻‍♀️第一次食波菜麵，感覺都幾清新同健康😂清湯底標榜由豬骨及鮮蔬熬制，無味精，秘制辣汁要咗小辣，原來都已經幾辣，不過辣過癮😂牛腩份量好多，食極都仲有咁，肉質淋身唔會韌😁醉饗蛋即係流心蛋，但就唔係好食到酒味，可能浸得耐比湯底嘅辣味搶咗focus🙈，而墨汁墨魚丸就好爽口好彈牙😋呢間同文記車仔麵都好值得無限翻啅🤩