和家

營業中

休息中

今日去左銅鑼灣一間關東煮專門店，叫做和家，之前睇過 YouTuber 介紹係日本人主理，又見咁耐冇去旅行，所以就去試下佢既名物。關東煮有好多選擇，當然要試我既最愛大根，煮得好淋好入味，蛋有兩款，包括蛋卷同原隻雞蛋。蛋卷因為放左落湯煮，唔係好滑，但非常索汁。其他魚製品都唔錯。牛筋就唔係平時見開一串串個種，係一粒粒有肉有筋，都算炆得淋。佢個湯底都唔會太多出汁唔會太咸，較得唔錯，可以飲埋。炸茄子就有啲唔抵，味道雖然OK，但真係好迷你。鍾意飲酒就岩晒，有紅白酒，啤酒，Sour，日本酒，燒酌等等，而且最平一支都唔使 $300，價錢相宜。未安排到返鄉下既你，可以先黎和家止止渴！