Chicken Pocha (已結業)

係大窩口附近嘅一個韓式小店，以前佢未擴充果陣只可以坐路邊位，依家搬左鋪位大左多左好多位。今次叫左幾樣野兩個人食，冷麵、泡菜年糕、醬油烤雞。冷麵麵質好彈牙，又凍又酸嘅湯好開胃，配埋幾塊雪梨真係唔錯，幾清新。泡菜年糕就正常水準啦，年糕都彈牙嘅，但就唔夠多泡菜。醬油烤雞今次就麻麻啦，個醬油味完全入唔到個雞到，好淡口，雞嘅肉質都好乾好鞋，成碟都好似就咁咬雞胸咁，我諗下次叫返炸雞會好啲。現場都見到有一兩台韓國人係到食緊，感覺都幾地道。