韓珍 (帝國中心) (已結業)

今日小妹收工同朋友去左尖沙咀行街, 朋友話想食韓國菜於是就帶左小妹去韓珍試試😊🌟前菜除左有平時食到嘅泡菜之外, 仲有佐酒一流嘅小蝦乾同醃鵪鶉蛋🌟甜南瓜沙律南瓜味道甜美, 沙律菜新鮮爽脆, 入面仲有少許柚子肉, 食起嚟味道清新開胃🌟覆盆子酒🥃覆盤子酒呈深紅色, 質感濃稠, 果味超濃郁, 唔算太甜, 嚥下之後先會飲到有少少酒味🌟調味特級牛肋骨牛肋骨質感軟腍無筋, 肉汁豐富🌟蜂窩五花肉五花肉層肥層瘦, 油脂豐腴🌟豬肩肉油脂分怖均勻, 口感唔錯韓式蛋餅蛋餅熱辣辣, 蛋味香濃, 加埋入面嘅配料一齊食, 簡單又好味🌟泡菜豬肉湯泡菜湯材料多, 十分夠熱, 飲落微酸微辣好開胃🌟曲奇味雪糕🍦