Running 燒 (已結業)

朋友話一直想試旺角呢間韓燒，今次終於夾到時間一齊去開餐。去到都已經好full，好彩我地有訂枱，好快就坐低咗。肚餓嘅我地一黎就急不及待點野食，主要都係肉肉肉。朋友太肚餓，點咗個水冷麵。水冷麵𥚃面有冰碎，好冰涼，麵係好彈牙，而且只係微辣，食得好爽，好啱口味。我點咗個什菜沙律，超大份呢！沙律菜好新鮮，配上酸酸辣辣嘅汁，好fresh又美味我地點咗好多肉呀！豬，牛，羊，雞咩都點d，overall都幾好食，而最深得我心嘅就係牛脷，牛柳片，羊肉，豬頸肉。入口都好juicy 好嫩。我鍾意用生菜包肉同泡菜一齊食，多一份口感，味道更添層次，同時減低油膩感。食物同環境都有地道韓國嘅感覺，非常滿意的一餐