田浦食肉

營業中

休息中

期待已久嘅燒肉店，終於等到有秋天嘅感覺，可以嚟大角咀區呢邊試一試。沒有預約，等位等咗差唔多一個鐘終於入到，歡迎你哋嘅係一檯滿滿嘅小菜，好多都好好食，尤其係個南瓜， 10分推薦。我諗呢度最吸引嘅係，你嗌住唔同嘅燒肉套餐之後，店入面嘅oppa, 係會一手一腳幫你燒哂再擺到你面前。見到你右邊碟小菜食晒，佢又會即刻幫你再補充。呢個雞蛋羹係我第一次見，熱辣辣，加咗京蔥粟米芝士，好香。仲有水冷麵，好惹味，一啲都唔普通，好夠凍，又開胃。