韓虎家 (得寶商場)

營業中

休息中

第一次黎得寶商場，又估唔到細細個商場竟然有咁多野食。有韓食、越南、日本、泰國野等等。我地就比呢間韓野野食吸引到，因為佢門口個餐具係勁多野食，炸雞嘅味道都好多選擇，所以就即刻買黎試下。我哋叫咗一個泡菜豬肉湯配白飯，我覺得佢個泡菜湯底好濃味，好香辣嘅泡菜味，入邊仲有好多配料，例如有泡菜，洋蔥豆腐京蔥等等，當然唔少得豬肉啦，咁多配料嘅湯配埋個白飯真係好味嘅。另外仲叫咗個韓式芝士飯，我哋就好似拌飯咁樣食，撈埋晒啲配料同芝士係超好味囉，另外仲有叫咗個年糕拌麵配紫菜卷，韓式嘅拌麵真係好好味配埋芝士嘅煙靭，仲有超濃郁嘅湯底真係正嘅，個紫菜卷係好香入面係粉絲嚟都係好味，另外我哋仲嗌咗一盒原味炸雞，佢應該係即叫即炸，因為仲係熱辣辣好香脆。