夜首爾

營業中

休息中

太耐冇去韓國玩，近排特別想食韓國野，所以同朋友嚟咗尖沙咀食地道韓國菜。餐廳有兩層，環境闊落，食得舒服。一嚟就有八款前菜，添咗薯仔同菜，幾乎款款都幾乎比我地清哂！牛肉雜菜炒粉絲（$150）係自己最鍾意食既。粉絲配上蘿蔔絲、牛肉、炒蛋絲等，非常豐富。最難得既係味道啱啱好，食落唔會太鹹。薯仔排骨湯（$420）既份量非常大方，三至四個人share都ok。排骨湯望落開胃誘人，飲落帶點辣，十分惹味。鍋入面有大量薯仔，薯仔口感軟稔，同 d 菜一樣吸滿香濃既湯汁。而排骨亦軟稔入味，正！豆漿麵（$130）較少喺香港既餐廳見到，所以點嚟試下。呢道冷麵既湯底濃稠但味道清新，配埋青瓜絲，清爽又健康。