札幌拉麵屋

營業中

休息中

昨晚同囡囡又去呢度食麵，因為囡囡鍾意囉。一人一杯凍麥茶先，再慢慢選擇食D乜，呢度既環境好日本下，連D客人都有近一半係日本人，多日本人幫襯即係證明左呢度D拉麵夠地道囉，即係佢地食開果種。記得舊時幫襯過一間巴勒斯坦餐廳，都係咁樣。如果食慣左香港化左既日式拉麵，你可能會覺得佢D味有D唔同，不過我就覺得太過迎合本地人口味就會失食物原有既風采。今次我就叫左一個普通拉麵加咖哩飲餐，囡囡就叫左一客冷麵，另外仲叫左六隻煎餃子。餃子最先出場，隻隻都好肥大，而且煎到底部剛剛結焦，有一點點香脆但又唔會硬。跟住到咖哩飲，日式咖哩，你會食到咖哩香味，但又唔會辣。再來就是冷麵，只係賣樣已經夠吸引人啦，材料亦好豐富。最後係拉麵出場，麵質彈牙得黎唔會硬，個湯味道剛剛好，而且你飲個湯既時候會想像到好多材料，掂呀！我每次黎呢度食麵都會連湯都飲晒，咁樣係對造麵師傅既專重，同時表示碗麵好好食。