十二味貴陽牛肉粉 (已結業)

聽朋友講呢間十二味貴陽牛肉粉的湯底地道之餘又夠哂特別，咁岩呢晚行開銅鑼灣見到，所以就黎試下啦！真係唔錯喎！點餐的方法好特別！排隊點餐俾錢，然後就可以入去坐底慢慢嘆！呢次晚飯時間去到，好多人幫襯，所以要排隊，多人到差D冇位坐！一入到去就會見到餐牌，一目了然，全部都係特色貴陽牛肉麵！我最後揀左經典牛肉麵(清炖湯底)，因為想試吾同配料，就再加牛肚，牛筋同鹵蛋！超級大碗呀！真材實料！D料滿到就黎瀉！牛肚煮得好入味，軟得黎有咬口，咬落彈牙！牛筋煮得好冧，充滿膠質，食落感覺好補身，哈哈！鹵蛋亦都鹵得好入味，非常好味呀！湯底雖然係清炖，但一D都吾清，好濃郁！特家泡製的湯底係出面絕對食吾到，有種置身貴陽的感覺！加埋葱等等的香菜，更加惹味！另外，面質都好特別，中等軟硬度的牛肉粉，嫩滑彈牙，有飽足感！餐廳的每張枱上都有"不温馨提示"，跟住上面的提示食會更好味！