影片
更多
2017-08-25
1422 瀏覽
Mean Noodles近幾個禮拜，在我公司附近開了一間專門吃馬來和泰國麵的小店，在上環西港城附近冇乜好吃的馬來店，所以到今已經試咗三次。第一次，就覺得麻麻，但試多兩次後，就越來越進步。到第三次，對佢地的叻沙湯底差不多上咗癮🤤🤤第一次試，老實說，有點失望，吃慣馬拉菜的香辣味，覺得叻沙有點淡。那碗麵足料，但好似樣樣嘢都差小小味。同 waiter 談了幾句，先發現原來佢地是第二日開張！難怪餐廳運作好似感覺到未成熟。waiter是個後生仔，經驗好似不太足，但service態度超好，所以就決定等多一個禮拜，再俾多次機會。第二次去，就果然進步咗好多。今次我叫咗一碟炒棵條，同埋一細碗大排檔拼盤 。叫拼盤的原因，是因為menu上解釋拼盤的汁，是用叻沙的湯底來到去煮。我就想試試，佢地叻沙湯底有冇多翻D味。果然，真的進步咗很多。湯內不單只是辣，但各種的香草味都taste到。拼盤入面有魚蛋，金錢肚和牛筋都非常入味。然後來個棵條，炒得好靚，好有鑊氣！麵條夠彈牙，又夠味！第二餐比第一餐好好多第三餐，今次是上個星期五，放咗工同老婆一齊來。我老婆聽我讚第二餐咁好吃，就抱著高期望跟我來試試。這次，對叻沙湯底有翻信心
近幾個禮拜，在我公司附近開了一間專門吃馬來和泰國麵的小店，在上環西港城附近冇乜好吃的馬來店，所以到今已經試咗三次。第一次，就覺得麻麻，但試多兩次後，就越來越進步。到第三次，對佢地的叻沙湯底差不多上咗癮🤤🤤
第一次試，老實說，有點失望，吃慣馬拉菜的香辣味，覺得叻沙有點淡。那碗麵足料，但好似樣樣嘢都差小小味。同 waiter 談了幾句，先發現原來佢地是第二日開張！難怪餐廳運作好似感覺到未成熟。waiter是個後生仔，經驗好似不太足，但service態度超好，所以就決定等多一個禮拜，再俾多次機會。
第二次去，就果然進步咗好多。今次我叫咗一碟炒棵條，同埋一細碗大排檔拼盤 。叫拼盤的原因，是因為menu上解釋拼盤的汁，是用叻沙的湯底來到去煮。我就想試試，佢地叻沙湯底有冇多翻D味。
果然，真的進步咗很多。湯內不單只是辣，但各種的香草味都taste到。拼盤入面有魚蛋，金錢肚和牛筋都非常入味。
然後來個棵條，炒得好靚，好有鑊氣！麵條夠彈牙，又夠味！第二餐比第一餐好好多
第三餐，今次是上個星期五，放咗工同老婆一齊來。我老婆聽我讚第二餐咁好吃，就抱著高期望跟我來試試。這次，對叻沙湯底有翻信心後，就叫咗碗叻沙。老婆就叫咗碗泰國粉紅粉。甜品就叫了一客 Pandan Flan
出奇地，叻沙比第二次還要好吃！香辣味再次加強咗，雖然加強到齋飲湯底，就其實會覺得太鹹，但因為跟粉面，豆腐，魚蛋和蝦一起吃的時候，我自己覺得D料將味道 balance out，城碗麵就差不多 perfect！
老婆的粉紅粉，也有驚喜。粉紅色的南乳醬，真的有個很獨特的香味，城碗麵撈埋一齊後，那種有層次感的味道，小小甜，小小酸，小小辣，真的令人難忘。
最後是waiter介紹的 pandan flan，一點也不失望。Pandan 蛋糕就吃過，但 flan還是第一次試。flan好似跟custard cake 的口感差不多，跟Pandan的獨特香味好配合。這道甜品我都highly recommend！
$88 一碗麵，lunchtime 就覺得有小小貴，但這間店用料，是真是用足，叻沙裏的herbs and spices，真是吃的出。再加上每次吃完，不覺得特別口渴，應該冇用味精。小人的總結評論，這家小店食物用心做，有 heart，值得一試！
叻沙
99 瀏覽
0 讚好
0 留言
炒棵條
84 瀏覽
0 讚好
0 留言
大排檔拼盤
59 瀏覽
0 讚好
0 留言
Pandan Flan
51 瀏覽
0 讚好
0 留言
張貼
