倪姐泰國美食 (已結業)

今日要去九龍城買泰國食材，真係有好多間泰國食肆，啱啱經過呢間，雖然裝修冇其他食店咁特別，但係見到個樣都好地道，最緊要係味道好，所以決定一試。海南雞船河海南雞船河幾特別，唔係一般河粉，係用軟滑粉皮做主打，配埋湯底非常滋味。店主講個湯底用咗廿幾種材料淆成，有啲似馬來西亞嘅肉骨茶湯底，但係又加咗佢哋自己特別嘅風味， 所以味道非常之惹味吸引。值得推介。柚子沙律柚子沙律個酸辣汁配得好適宜，又唔太辣， 柚子大粒香甜，食落好有口感。春卷配蝦餅春卷炸得脆脆，而蝦餅肉質都幾鮮味香口。泰式炒通菜泰式炒通菜就一般，同時碟頭累細。芒果糯米飯糯米飯賣相幾靚，好似荷包蛋，黑色糯米飯配上濃濃椰汁，一口飯夾一口香甜芒果，軟滑美味。珍多冰材料多多又唔太甜。