鳴越越式料理

營業中

休息中

東南亞食物最啱我口味，味道夠濃，今日行過上環，見到呢間越式菜餐廳，又忍唔住要入去試吓。呢間餐廳地方都算大，座位多，睇嚟應該係平日打工仔嘅食堂，食物選擇都有唔少，我哋就叫咗一飯一面一小食。薯絲炸蝦春卷：薯絲炸得好香脆，裏面包着一隻蝦和一些蝦滑，外脆內彈口，雖然只係幾十蚊，但份量都唔少，有成六大隻㗎！越式春卷湯檬：食得多炸野想食清淡啲，所以就叫咗湯檬，湯檬嘅味道唔錯，就咁食都好夠味，仲要大大碗，份量非常多。春卷揸得好香脆，係好正宗平常食到嘅越式春卷嘅味道，餡料都唔少，好味道！馬拉盞炒芥蘭豬爽肉：啲芥蘭炒得非常好食，馬拉盞嘅蒜蓉味好濃，唔知點解我仲覺得有少少蝦膏味添，送飯一流！豬爽肉真係好爽口，我估應該係豬頸肉黎？小菜嘅份量好足，仲配埋白飯，一定夠飽。