Glasshouse (國際金融中心) (已結業)

星期六下午，難得有得抖下放鬆下訓到自然醒，想搵個地方可以同朋友吹水，去到ifc，食肆一係好多人排哂大隊，一係勁貴。見 glass house 有位就入去了。個風景係真係幾靚，落地玻璃，望維港景色。仲有室外同室內嘅位，啱哂鐘意吹自然風的朋友~今日食左炸雞件+雞翼。都算脆，個兩汁都夾的。略嫌炸粉太厚和肥膏多，但炸得酥脆有肉汁，讚！仲嗌左一個冬蔭公湯米，有大蝦同雲吞，兩者都好新鮮彈牙，湯也幾鮮味。總括而言，味道都不錯，只略嫌有點貴，但中環食野係咁啦吃租金的。