韓牛韓式燒烤 (已結業)

近日疫情緩和, 又可以約朋友食放題。既然冇得去旅行, 就食韓式燒烤止下癮! 餐廳座位寬敞, 光猛企理, 而且每幾張枱就有啲間隔, 感覺自成一角, 適合一班朋友gathering! 另外, 餐廳抽風應該做得唔錯, 入到去都無油煙味 👍🏻食物種類繁多, 而且擺放得好整齊, refill亦好快。燒烤肉類有差唔多30款, 全部都醃得好入味, 唔駛沾豉油都好好食。除咗燒烤肉類, 當然唔少得熟食, 魚生壽司同韓式前菜啦! 最啱等候燒肉期間醫下肚先😋服務方面, 餐廳安排咗透明密實袋俾每位客人收納口罩, 好衛生。侍應見我哋食咗一半, 亦會主動問有無需要更換爐盤!整體嚟講, 食物有質素, 性價比高。餐廳更有提供唔同時段/ 壽星優惠, 同一大班朋友慶生就最好不過😌