201
62
16
等級1
3
0
坐上名為烤餅的飛毯
2019-09-29 927 瀏覽
第一次黎呢度食唔知頭唔知路見人叫餐幾抵食咁於是就叫左個阿拉丁晚餐.印式菜角新鮮炸起，脆卜卜，入面嘅薯蓉係咖喱味，如果好肚餓，食一粒可以止到少少餓，令人暫時恢復理智串燒免治羊肉卷嘩~上枱嘅時候仲出緊煙jar jar聲，佢唔係好軟好嫩滑，但都絕對唔係脫水嘅乾柴，羊肉味香不過又冇好重嘅羶味香料薯仔椰菜咖喱汁味道夠，個質地有啲稀，當係食前菜就咁食，冇用黎餸烤餅蕃茄牛油咖喱雞呢個汁就比較稠，有啲椰香，撕一小塊烤餅去點黎食，又或者用黎餸飯都係一流，成兜比我地清到乾乾淨淨，最後用烤餅幫佢抹碟🤣特式酸乳呢杯係微酸偏甜，個人偏好比較酸嘅酸乳，所以未有太大驚喜.二人餐係足夠兩個人食飽飽嘅，切忌眼闊肚窄一開波就加餸，食到咁上下先再決定嗌唔嗌多啲野會比較好.餐廳環境比較簡單，冇太多嘅裝飾，但整體感覺衛生。員工都係識講廣東話，唔洗擔心溝通唔黎。最欣賞係佢地嘅碟，第一眼見就覺得好靚，色彩繽紛見到覺得好開心😆
更多
第一次黎呢度食
唔知頭唔知路
見人叫餐幾抵食咁
於是就叫左個阿拉丁晚餐
.
20 瀏覽
0 讚好
0 留言
印式菜角
新鮮炸起，脆卜卜，入面嘅薯蓉係咖喱味，如果好肚餓，食一粒可以止到少少餓，令人暫時恢復理智

28 瀏覽
0 讚好
0 留言
串燒免治羊肉卷
嘩~上枱嘅時候仲出緊煙jar jar聲，佢唔係好軟好嫩滑，但都絕對唔係脫水嘅乾柴，羊肉味香不過又冇好重嘅羶味

41 瀏覽
0 讚好
0 留言
香料薯仔椰菜
咖喱汁味道夠，個質地有啲稀，當係食前菜就咁食，冇用黎餸烤餅

30 瀏覽
0 讚好
0 留言
蕃茄牛油咖喱雞
呢個汁就比較稠，有啲椰香，撕一小塊烤餅去點黎食，又或者用黎餸飯都係一流，成兜比我地清到乾乾淨淨，最後用烤餅幫佢抹碟🤣

25 瀏覽
0 讚好
0 留言
特式酸乳
呢杯係微酸偏甜，個人偏好比較酸嘅酸乳，所以未有太大驚喜
.
二人餐係足夠兩個人食飽飽嘅，切忌眼闊肚窄一開波就加餸，食到咁上下先再決定嗌唔嗌多啲野會比較好
.
餐廳環境比較簡單，冇太多嘅裝飾，但整體感覺衛生。員工都係識講廣東話，唔洗擔心溝通唔黎。最欣賞係佢地嘅碟，第一眼見就覺得好靚，色彩繽紛見到覺得好開心😆
(以上食評乃用戶個人意見 , 並不代表OpenRice之觀點。)
  • 推介
    已推介
  • 檢舉
1 已推介
    張貼
    評分
    味道
    環境
    服務
    衛生
    抵食
    用餐日期
    2019-09-26
    用餐途徑
    堂食
    人均消費
    $133 (晚餐)
    推介美食
    • 蕃茄牛油咖喱雞